Реал Мадрид ја објави листата на фудбалери кои ќе бидат во состав за денешниот меч против Рајо Ваљекано од 16.15 часот, а таму ги нема голманот Тибо Куртоа и централниот дефанзивец Антонио Ридигер.
Куртоа имал болки во десното колено, па тренерот Карло Анчелоти не сака да ризикува, и на голот ќе го стави Андриј Лунин кој е прва резерва. Германецот Ридигер беше болен од грип и не тренираше деновиве, па добива поштеда, со цел побрзо да закрепне до дуелот со Атлетико Мадрид во Лигата на шампионите в среда.
Се очекува централниот дефанзивен тандем на Реал да биде Алаба-Асенсио. Меѓу стартерите веројатно ќе го нема ни Федерико Валверде кој не е фит, а добра вест за Реал е враќањето на Џуд Белингам по суспензијата.
