Вардар го пречекува Алкалоид во дербито на првото коло во суперлигашкиот дел од ракометната лига на Македонија. Двата тима се во одлична форма, но гостите од Автокоманта може да се и поизморени затоа што Алкалоид има жестоко темпо со мечевите во ЕХФ Европската лига, каде што се избори за место во полуфиналето.
Со по два бода стартуваат и Вардар и Алкалоид во овој решавачки систем во трката за титулата. Сезонава овие две екипи се сретнаа двапати и на двапати славеа домаќините. Алкалоид со 33:30 победи кога играше на свој терен, а потоа Вардар во „Јане Сандански“ беше подобар со 29:27.
Сега, улогата на фаворит е за Црвено-црните. Квотите во Sport Life велат дека Вардар треба да победи, а дилемата е дали хендикепот ќе биде под или над три гола разлика.
