Два меча од Прва фудбалска лига на Македонија се играат денеска во рамките од четвртото коло. Македонија Ѓорче Петров е домаќин на Пелистер, додека Тиквеш во Кавадарци ќе биде домаќин на струмичка Брера.
Македонија Ѓорче Петров е тимот кој заедно со Шкупи уште нема освоено ниту еден бод, па ова е шанса за нив конечно да впишат бодови на нивното салдо. Сепак, Пелистер покажа дека знае да биде опасен, па битолчани по стартниот пораз од Вардар, врза две победи во дуелите со Брера и Шкупи.
Сепак, Македонија ЃП освен што ќе ја има предноста на домашен терен, на нивна страна е и традицијата во меѓусебните дуели. пет победи по ред во првенството имаат ѓорчепетровци против Пелистер, а ги победија и пред еден месец во контролна пресметка.
Сепак, ниту битолчани не доаѓаат во Скопје со „бело знаме“, а тренерот Димитар капинковски најави голема борба за трите бода.
Во Кавадарци, Тиквеш е домаќин на Брера, екипа која испадна уште во првото коло од Купот и тоа од второлигашот Охрид. Брера има слаба одбрана и во првите три кола прими дури девет голови.
На страна на Тиквеш е и традицијата, па тие имаат четири победи по ред против овој ривал, кога се игра на теренот во Кавадарци.
