Вистинска драма се случуваше на натпреварот помеѓу Милвоки бакс и ЛА лејкерс, кој дури по две продолженија им припадна на гостите со 124-128. Домашните имаа предност од 19 поени разлика, односно 94-75, на стартот од последната четвртина, но им дозволија на гостите да се вратат во игра и да израмнат на 101-101 во регуларниот дел.
Јанис Адетокумбо од Милвоки и Остин Ривс од Лејкерс го завршија мечот со трипл-дабл. Лилард имаше можност да поентира со звукот на сирената во првото продолжение, но Ентони Дејвис со фантастична блокада се избори за ново продолжение, по кое неговата екипа победи.
https://twitter.com/ClutchPoints/status/1772810759501656437?ref_src=twsrc%5Etfw%7Ctwcamp%5Etweetembed%7Ctwterm%5E1772810759501656437%7Ctwgr%5Ec273c7b00370f96ef5fe9e7fa76fe8df9f533027%7Ctwcon%5Es1_c10&ref_url=https%3A%2F%2Fsportal.blic.rs%2Fkosarka%2Fnba%2Flejkersi-od-18-do-pobede-protiv-milvokija-posle-dva-produzetka-lilard-tragicar%2F2024032705374334085
Лука Дончиќ со 28 поени, 11 скока и шест асистенции беше предводникот на Далас маверикс во убедливата победа од 96-132 на гостински терен против Сакраменто кингс. Провото полувреме воопшто не навестуваше ваква разврска, со оглед на тоа дека сè играше израмнето, а гостите заминаа на паузата со водство од 53-58.
Сепак, во вториот дел вистинска експлозија на кошаркарите на Далас, кои безмилосно го полнеа кошот на противникот, а во еден момент имаа и највисоки +39 поени разлика.
Резултати:
Мајами – Голден стејт 92-113
Милвоки – ЛА лејкерс 124-128 (101-101)
Њу Орлеанс – Оклахома 112-119
Сакраменто – Далас 96-132
