Македонија ЃП конечно ја забележа првата победа во новата сезона во Првата лига и тоа во четвртото коло. „Лавовите“ од Ѓорче Петров славеа со пресврт над Пелистер со 2-1.
Битолчани дојдоа во водство уште во втората минута преку Булатовиќ, но Симеон Христов со гол од пенал во 25-тата минута израмни на 1-1. Голот за победа на Македонија ЃП беше дело на интернационалецот од Колумбија, Гереро, во 66-тата минута.
На вториот денешен меч, во Кавадарци, Тиквеш и Брера одиграа без голови, 0-0, па и двете екипи остануваат без прволигашка победа и по четири кола.
Четвртото коло треба да го затвори мечот помеѓу Работнички и Шкендија, кој е одложен и ќе се одигра вопрвиот слободен термин.
Фото: ФФМ/ffm.mk
