Селекторот на Аргентина, Лионел Скалони, го објави списокот со повикани фудбалери за квалификациските дуели против Чиле и Колумбија. Иако Гаучосите веќе имаат обезбедено пласман на Светското првенство 2026, сепак на списокот се најде и Лионел Меси, што за него ќе бидат први настапи за репрезентацијата оваа календарска година.
Фудбалерот на Интер Мајами ги пропушти дуелите против Уругвај и Бразил во март поради повреда, но сега ќе враќа во составот на актуелниот светски шампион.
#SelecciónMayor Prelista de convocados del exterior para la doble Fecha FIFA de Eliminatorias 🇦🇷 pic.twitter.com/hQxQzibkxd
— 🇦🇷 Selección Argentina ⭐⭐⭐ (@Argentina) May 15, 2025
На четири кола пред крајот на јужноамериканските квалификации за пласман на Светското првенство, Аргентина е убедливо прва со 31 бод, осум повеќе од второпласираниот Еквадор.
