Италијанската Серија А од викендов има нов лидер, откако Милан со пресврт славеше над Фиорентина со 2-1 и сега има бод повеќе од Интер, Наполи и Рома.
Сепак, победата не беше лесна, бидејќи гостите од Фиренца поведоа преку Гусенс во 55-тата минута.
Херој на Милан е Рафаел Леао, кој беше стрелец на двата гола за „црвено-црните“. Португалецот најпрво погоди во 63-тата минута за израмнување на 1-1, а потоа со гол од пенал во 86-тата минута ја донесе и победата за Милан.
