Еден од најдобрите кошаркари во историјата на НБА лигата, Леброн Џејмс и следната сезона ќе го носи дресот на Лос Анџелес Лејкерс. 40-годишниот кошаркар оваа одлука ја донел денес, кога истекуваше последниот рок да се изјасни.
Леброн согласно неговиот договор имаше опција до денес да се изјасни дали ќе остане во ЛА Лејкерс, ќе направи трансфер во друга екипа или ќе ја заврши кариерата. Одлуката на кошаркарот е дека тој ќе игра и следната сезона, а тоа за него ќе биде 23-та сезона во НБА лигата, бројка до која не дошол ниту еден кошаркар во историјата на ова натпреварување.
Breaking: Los Angeles Lakers’ LeBron James is opting into his $52.6 million player option for the 2025-26 season, Klutch Sports CEO Rich Paul told ESPN.
Paul adds: LeBron “knows the Lakers are building for the future … but he values a realistic chance of winning it all.” pic.twitter.com/q5mT1O2R35
— Shams Charania (@ShamsCharania) June 29, 2025
Иако 40-годишен, сепак, Леброн Џејмс минатата сезона ја заврши со просек од 24,4 поени, 8,2 асистенции и 7,8 скокови по натпревар. Многумина сметаат дека сезоната 2025/26 ќе биде последна во кариерата на еден од најдобрите кошаркари во историјата на овој спорт.
