Леброн Џејмс кој е најдобар стрелец во историјата на НБА лигата, од денеска е сопственик на уште еден неверојатен рекорд. Кошаркарскиот Крал од денеска е и играчот кој успеал да постигне најмногу шутеви од поле во историјата на НБА лигата.
Легендарниот Џејмс во првата четвртина на дуелот против Денвер постигна кош од игра и тоа беше 15.837 погоден шут од поле за него, со што го надмина неверојатниот рекорд на Карим Абдул-Џабар од далечната 1989 година. Многумина веруваа дека тој рекорд на Џабар никогаш нема да биде достигнат, но 37 години подоцна се појави Леброн да ја надмине и таа магична бројка.
Претходно, во 2023 година Леброн го надмина рекордот на Џабар и по вкупноот број на поени. Џабар имаше 38.387 поени, а Џејмс сега брои до 43.111 поени во НБА кариерата.
King. The most field goals made in NBA regular season HISTORY 👑 pic.twitter.com/KmyOW9msll
— Los Angeles Lakers (@Lakers) March 6, 2026
На вечната Топ 10 листа на кошаркари со најмногу погодени шутеви од поле сега се:
Леброн Џејмс – 15.838 шутеви
Карим Абдул-Џабар 15.837
Карл Мелоун 13.538
Вилт Чемберлен 12.681
Мајкл Џордан 12.192
Коби Брајант 11.719
Шекил О’Нил 11.330
Дирк Новицки 11.169
Кевин Дурант 11.075
Елвин Хејс со 10.976 шутеви погодени од поле
