Леброн Џејмс, еден од најдобрите кошаркари на сите времиња, е „обвинет“ дека користел допинг. Ова го истакна поранешниот НБА-кошаркар, Џеф Тиг, во поткаст. Ваквата изјава сигурно ќе привлече големо внимание во јавноста.
Еден од најголемите играчи во историјата, Леброн Џејмс, е симбол на долговечност и успех во кошарката.
Сепак, сега „Кралот Џејмс“ би можело да се најде во центарот на најголемиот скандал досега.
Поранешниот НБА-кошаркар, Џеф Тиг, во поткастот Club520, изјави дека Леброн користел допинг.
Jeff Teague says LeBron James used steroids while being on the Heat
— Fullcourtpass (@Fullcourtpass) July 23, 2025
“They started testing for HGH and he had to sit out. He said his back was hurting and he sat out for 3 weeks then came back skinny.”
(Via @club520podcast, h/t @JesseGladsaget)
pic.twitter.com/8Sd5bgwaXr
Тиг тврди дека Џејмс избегнал допинг-тестирање, така што измислил повреда на грбот, а потоа се вратил на теренот „чист“ по неколку недели пауза.
„Користеше стероиди, брате. Затоа го тргнаа на одмор некое време за да го ‘исчистат’. Тоа е вистинската причина зошто го снема“, истакна Тиг, и додаде:
„Кога требаше да има тестирање на хормон за раст, тој рече дека има повреда на грбот. Паузираше три недели и се врати ‘чист’. Како ништо да не било, никој ништо не праша.“
Овие изјави предизвикаа голема бура на социјалните мрежи, но од таборот на Џејмс сè уште нема официјална реакција.
Тиг е личност чиј збор многу се цени меѓу неговите поранешни соиграчи и колеги.
Џеф Тиг одигра 12 сезони во НБА, а останува да се види дали со ова ќе покрене лавина коментари и скандали на највисоко ниво во кошарката.
