Кливленд кавалирс го декласира Лос Анџелес лејкерс со 129-99 во можеби последното гостување на Леброн Џејмс во салата во Кливленд. И самиот Леброн најави дека е можно такво нешто.
Џејмс, кој е локален херој во Кливленд и Охајо уште од средношколските денови, а таму ја почна и професионалната кариера во 2003 година, даде 11 поени и неговиот тим доживеа тежок пораз, а Кавалирс му приредија изненадување со прикажување видео со снимки од времето кога Леброн играше за нив и освои титула. Инаку има шпекулации дека Џејмс летово од Лејкерс ќе се врати во Кливленд и таму ќе ја заврши кариерата.
Од мечевите кои се играа рано утрово, вреди да се споменат и 23-те тројки на Голден стејт во победата од 140-124 над Јута.
An emotional LeBron soaks in the Cleveland tribute 🥹 pic.twitter.com/SrcXsUIEfl
— NBA (@NBA) January 29, 2026
