Лос Анџелес лејкерс рано утрово на свој терен ќе игра против Њујорк, а во редовите на домаќините ќе го нема Леброн Џејмс. „Кралот“ уште не е подготвен по повредата на препоните заработена на дуелот на 25 декември против Голден Стејт. По таа средба, Лејкерс одиграа четири дуели без Леброн, а се очекуваше дека тој ќе биде подготвен токму за средбата против Њујорк.
Во следните седум дена, Лејкерс ќе одиграат четири меча, на кои повторно ќе бидат без својот најдобар играч. Досега никогаш во кариерата, Леброн немал пропуштено осум меча по ред. Освен дуелот против Њујорк, Леброн нема да биде во тимот и за средбите против Минесота, Далас и Детроит.
