Легендарниот англиски фудбалски судија Марк Клатенбугр дури 13 години беше дел од Премиер лигата и отсуди 291 натпревар. Тој сега е стручен аналитичар и има идеја да се променат неколку правила.
„Фудбалот отсекогаш бил забава, важно е да има што е можно повеќе активна игра. Кога започнав да судам, во Лигата на шампионите имаше едвај 40 минути ефективна игра на натпреварите. Замислете, натпреварот трае 90 минути, а топката е во игра само 40-тина минути“, вели Клатенбург.
Тој го поздравува правилото за корнер за противничката екипа доколку голманот ја има топката повеќе од осум секунди во раце, но предлага и уште неколку измени кои се однесуваат на задржувањето на времето.
Клатенбург предлага доколку играчот задржува време додека оди да изведе корнер или додека изведува, да се досуди гол-аут, но и спротивно, доколку голманот задржува време при изведување на гол-аутот, тогаш да се досуди корнер за противничката игра. Проблем вели дека се и аутите, па доколку фудбалерот задржува време, треба топката да ѝ се додели на противничката екипа. Воедно, Клатенбург предлага и укинување на опомената жолт картон за задржување на време бидејќи нема ефект.
