Легендарниот уругвајски напаѓач Едисон Кавани објави дека ја завршува репрезентативната кариера на 37 години и во иднина ќе се посвети само на клупскиот фудбал. Напаѓачот во моментов е член на Бока јуниорс, каде што потпиша минатото лето и по 16 години се врати во Јужна Америка откако во 2007 од уругвајскиот Данубио се пресели во Палермо.
Кавани се повлекува како втор на листата по бројот на настапи за Уругвај и втор по бројот на постигнати голови, зад Луис Суарес, кој е прв и во двете конкуренции. Триесет и седумгодишниот Уругваец во својата кариера настапуваше и за Наполи, ПСЖ и Манчестер јунајтед. Блескаше во дресот на Светците, каде што беше рекордер по бројот на постигнати голови во историјата, пред да се појави Килијан Мбапе и да го сруши неговиот рекорд.
