На листата меѓу најдобрите голгетери во изминативе 20 години сигурно има место за Робин ван Перси. Холанѓанецот ја заврши играчката кариера во 2019 година, но остана во фудбалот и веднаш се впушти во тренерските води.
Ван Перси веќе четири години работи како тренер во Феенорд. Започна како асиситент во сениорскиот тим, а потоа се префрли со работа во младинските категории, а моментално е предводник на тимот до 19 години.
Холандските медиуми најавуваат дека Ван Перси е потенцијален кандидат за нов тренер на Херенвен. Овој тим бара нов тренер затоа што договорот на актуелниот стратег Кес Ван Вондерес истекува на крајот од сезоната. Херенвен моментално е на 11-тото место на табелата во првенството и речиси е јасно дека клубот ќе бара нов предводник за следната сезона.
Ван Перси во фудбалската кариера блескаше како играч на Феенорд, Арсенал, Манчестер јунајтед, Фенербахче, а на крајот повторно заврши во Феенорд. На клупски план одигра 593 средби и одигра 272 гола. На репрезентативно ниво, во дресот на холандскиот национален тим имаше 102 настапи и 50 гола.
