ЛА лејкерс го возврати ударот против Портланд израмнувајќи на 1-1 во серијата по триумфот од 111:88. На погон на Ентони Дејвис, Езерџиите го поправија настапот од првата пресметка која ја загубија, а шансите за триумф им се зголемија откако Демиен Лилард се повреди и не можеше да го доигра мечот.
За разлика од претходната средба, Лејкерс овојпат доминираа од самиот почеток, по што четвртиот период го отворија со највисока предност од +33 поени.
AD double-double in 3 quarters 💪@AntDavis23's 31 PTS, 11 REB help the @Lakers win Game 2 and even the series 1-1! #NBAPlayoffs #LakeShow
Game 3: Sat. (8/22) – 8:30pm/et, ABC pic.twitter.com/jf65FGVhnH
— NBA (@NBA) August 21, 2020
Дејвис за помалку од 30 минути оствари дабл-дабл учинок од 31 поен и 11 скока, Џејмс не беше на нивото и постигна само 10 поени. Лилард до моментот кога беше на паркетот реализира 18 поени.
Милвоки исто така реализира 111 поени во победата над Орландо од 111:96 за израмнување на серијата на 1-1. Никола Вучевиќ повторно беше најефикасен на средбата, заврши со 32 поени и 10 скока, но Црногорецот овојпат не можеше сам да се надигрува со најдобриот тим од Истокот.
Адетокумбо не дозволи ново изненадување со 28 поени и 20 скока, а доби голема помош од Лопес, кој реализира 20 поени.
Giannis drops it off to the cutting Brook Lopez for the STRONG SLAM! #NBAPlayoffs @OrlandoMagic 58@Bucks 76
📺: ESPN pic.twitter.com/WHBvtI3Uc4
— NBA (@NBA) August 20, 2020
И Хјустон застана на 111 поени, надигрувајќи ја Оклахома за водство од 2-0 во серијата по триумфот при конечни 111:98. Харден се мачеше во воведниот дел од средбата шутирајќи 1/8 за три поени, но Брадата се стабилизира во остатокот од мечот и го одведе Хјустон до нова победа.
