Најдобриот атлетичар на денешницата, Арманд Дуплантис, го сруши светскиот рекорд во скок со стап и по 14-ти пат, но и вторпат само за еден месец, откако на Светското првенство во Токио успеа да прескокне висина од 6,30 метри, што беше и повеќе од доволно за светска титула.
Тоа е подобрување од еден сантиметар за разлика од претходниот светски рекорд, кој само пред еден месец беше поставен на атлетскиот митинг во Будимпешта, но и нови 100.000 долари на сметката на шведскиот атлетичар.
Mondo Duplantis 🇸🇪 clears a World Record of 6.30m in the men’s Pole Vault in Tokyo!!🥇🥇
World Record No. 14 for him!!🔥🔥pic.twitter.com/9n32pVkMPO
— Track & Field Gazette (@TrackGazette) September 15, 2025
За доминацијата на Мондо Дуплантис говори и фактот дека сребрениот Грк, Емануил Каралис, прескокна дури 30 сантиметри помалку, односно точно шест метри, додека третопласираниот Куртис Маршал од Австралија прескокна 5.95 метри.
