Полскиот напаѓач Роберт Левандовски не сака да се пресели во Интер Мајами, пренесуваат медиумите во неговата земја. Левандовски има договор со Барселона до крајот на актуелната сезона, а по неговото истекување ќе одлучува за својата иднина.
Искусниот Полјак има 37 години, а оваа сезона постигна осум гола на 17 настапи и додаде две асистенции. Ова му е четврта сезона во дресот на Барселона, каде што досега прикажува одлични настапи. За каталонскиот клуб има 164 одиграни натпревари и 109 постигнати погодоци. Пред да пристигне во Барселона, Левандовски настапуваше за Баерн Минхен, за кого постигна 344 гола, како и за Борусија Дортмунд, каде што стрелаше 103 пати.
Интер Мајами е клуб чија икона е Лионел Меси (38). Сопственикот Дејвид Бекам успеа да го убеди Меси да се пресели на Флорида пред две години, а оттогаш постепено се гради тим составен од негови блиски пријатели. Во моментов таму настапуваат Родриго де Пол, Луис Суарес, Серхио Бускетс и Жорди Алба. За последните двајца ова беше последна сезона во кариерата.
Интер Мајами ги освои единствените трофеи во својата историја токму во ерата на Меси, МЛС купот и Лига купот на САД.
