Роберт Левандовски на големата фудбалска сцена настапуваше само за три екипи, Борусија Дортмунд, Баерн Минхен и Барселона, и сите три се поранешни европски шампиони.
Сепак, може да се случи полскиот репрезентативец да настапува и за четврти поранешен шампион на Европа и тоа од Серија А. Челниците на Милан задолжени за спортскиот дел веќе оствариле првични контакти со агентите на Левандовски и се распрашале за можноста тој да се пресели во Милано следното лето.
Во моментов тешко е за очекување дека полскиот интернационалец ќе се одлучи на таков потег, но се ќе зависи и од раководството на Барселона, односно дали ќе биде ангажирана негова замена или тој ќе се остане главен во нападот на „каталонците“.
