Башкими го изненади досега перфектниот Силекс со 2-1 и на кратовскиот тим и лидер на табелата му го нанесе првиот пораз сезонава.
Кумановци половина час играа со човек помалку по исклучувањето на Зука, но примија само еден гол и на крајот се радуваа на третата победа сезонава.
Црвен картон имаше и на другиот денешен меч, во кој Македонија Ѓорче Петров беше подобар тим од Брера и славеше со 2-0. За Лавовие тоа е втора победа сезонава.
Шестото коло продолжува утре со дуелите Струга – Шкендија и Тиквеш – Шкупи, а ќе финишира в четврток со Арсими – Вардар и Работнички – Пелистер.
