Шампионот на Хрватска, Динамо Загреб, ќе мора да настапи без голманот Ливаковиќ во плејофот од Лигата на Европа против Спарта Прага бидејќи веќе е постигнат договор за негов трансфер во Фенербахче.
Голманот во среда патува во Истанбул на лекарски прегледи, по што ќе следува и официјалната промоција.
Трансферот ќе изнесува 9 милиони евра, но Динамо може да добие дополнително уште еден милион евра во бонуси.
Ова е втор голем трансфер за екипата од Загреб само во една недела откако претходно го продаде Јосип Шутало на Ајакс за 20,5 милиони евра и дополнителни три милиони евра во бонуси.