Ули Хенес, претседателот на Баерн Минхен, е оптимист пред денешниот прв меч од осминафиналето против Ливерпул. Германскиот гигант гостува на „Енфилд роуд“, а Хенес верува дека гостите ќе си заминат непоразени.
„Се радувам за мечот против Ливерпул бидејќи тоа ќе биде вистински предизвик. Ова е меч да се биде или не, но и да видиме до каде сме на меѓународно ниво. Не се плашиме иако го респектираме Ливерпул, кој има и одличен тренер каков што е Јирген Клоп. Очекувам интересен дуел и се надевам на добар резултат пред реваншот. Би сакал да одиграме нерешено 1-1“, рече Хенес.
