Ливерпул синоќа славеше со 3:1 на гостувањето кај Брајтон и тоа беше доволно да оствари уште еден подвиг во сезоната за паметење. Откако Ливерпул постави рекорд и на седум кола пред крајот ја обезбеди титулата, овојпат Црвените поставија уште едно неверојатно постигнување.
На тимот на Јирген Клоп му беше потребно да одигра само 34 меча за да стигне до 30 победи во една сезона. Никогаш во историјата на англискиот елитен фудбал не се случило еден тим да има 30 победи само по 34 одиграни средби. Освен триумфите, Ливерпул сезонава има и по две нерешени и два порази.
Во следното коло Ливерпул на свој терен игра против Барнли и повеќе од очекувано е шампионот да прокнижи уште еден триумф.
30 – Liverpool have won 30 of their 34 Premier League games this season (D2 L2); this is the fastest any side has ever reached 30 wins in a season in the history of the English Football League. Authority. pic.twitter.com/Hc4rSW2ZcH
— OptaJoe (@OptaJoe) July 8, 2020
