Европскиот првак Ливерпул ќе ги одмери силите со Монтереј, додека шампионот на Јужна Америка Фламенго ќе се соочи со Ал-Хилал во полуфиналето на Светското клупско првенство.
На собирот во Доха, Монтереј денес славеше со 3-2 против Ал-Сад, додека претходно Ал-Хилал минимално го совлада Есперанс Тунис со 1-0 и обезбедија пласман во полуфиналето.
Фламенго во вторник, на 17 декември ќе брка пласман во големото финале, додека ден подоцна ќе дојде редот на Црвените предводени од Јирген Клоп, да се најдат во битка за првата светска титула.
