Управата на Ливерпул ја научи лекцијата од минатата година кога го преспа летниот преоден рок и тоа и се одби од глава бидејќи остана без пласман во Лигата на шампионите, и летово ќе биде активна на трансфер-пазарот.
Црвените веќе го комплетираа 35 милиони евра вредниот трансфер на Алексис Мекалистер од Брајтон, вчера се појави бомбастична информација дека подготвуваат понуда тешка 250 милиони евра за Килијан Мбапе, а денеска започнаа преговори за да ја засилат одбраната.
https://twitter.com/FabrizioRomano/status/1674025336466448384?s=20
Челниците на Ливерпул седнаа на преговарачка маса со управата на Ред Бул Лајпциг за да го договорат трансферот на Доминик Собослаи.
Тренерот на Ливерпул, Јирген Клоп, во 22-годишниот унгарски репрезентативец гледа идеално решение за одбраната и ќе стори се за да го донесе Собослаи на „Енфилд“. Засега не е познато колку Ливерпул е подготвен да плати за Собослаи, но челниците на Ред Бул Лајпциг инсистираат на 70 милиони евра, колку што изнесува откупната клаузула.
Собослаи од 2021 година е член на Ред Бул Лајпциг, а претходно четири години настапуваше за „сестринскиот“ клуб Ред Бул Салцбург.
