Ливерпул влезе во препознатливиот шампионски ритам откако со неверојатни 7:0 славеше на гостувањето кај Кристал Палас, во меч од 14. коло на Премиер лигата. Мо Салах само и Роберто Фирмино по два пати се запишаа во листата на стрелци, а по еднаш погодија Минамино, Мане и Хендерсон.
За Ливерпул ова е најголема победа во историјата откако е формирана Премиер лигата. Претходно со повисок резултат гигантот од „Енфилд Роуд“ има победено во 1989 година и тоа повторно против Кристал Палас, но тогаш со 9:0, но на стадионот во Ливерпул.
Јирген Клоп стигна до 127-мата победа како предводник на Ливерпул и со тоа го надмина Рафаел Бенитес на вечната листа на победи во Премиер лигата.
127 – This was Jürgen Klopp’s 127th league victory in charge of Liverpool, overtaking Rafael Benítez (126) as the Reds boss with the most wins in Premier League history. Icon. pic.twitter.com/NR7AM7o51N
— OptaJoe (@OptaJoe) December 19, 2020
Кристал Палас го претрпе најубедливиот пораз на свој терен. Никогаш претходно во клупската историја овој лондонски тим кога играл како домаќин не загубил со 0:7.
