Англискиот гигант Ливерпул покажува сериозен интерес за напаѓачот на Атлетико Мадрид, Хулијан Алварес. Според информациите на шпанското издание „Фишајес“, Црвените разгледуваат неколку опции за ангажман на аргентинскиот голгетер, а меѓу нив се споменува и можноста за размена со уругвајскиот напаѓач Дарвин Нунез.
Алварес има силна сезона во дресот на Атлетико Мадрид, со бројни голови и асистенции во сите натпреварувања. Со своето претходно искуство во Премиер лигата, тој би бил одлично засилување за Ливерпул, кој се наоѓа во фаза на реконструкција под водство на новиот менаџер Арне Слот.
Дарвин Нуњес не ја оправда целосно довербата сезонава, често остануваше на клупата, а неговата ефикасност беше под очекувањата. Според извори блиски до клубот, уругвајскиот репрезентативец не е задоволен од својата улога и би можел да ја разгледа можноста за трансфер.
Сè уште нема официјални разговори меѓу двата клуба, но во пресрет на летниот преоден рок, Ливерпул може да направи крупен чекор со цел да ја засили својата напаѓачка линија.
