По една година пауза од финалето во Лигата на Европа, Челзи и Арсенал повторно ќе се борат за трофеј, овојпат во ФА купот. Сините со убедливи 3-1 го елиминираа Манчестер јунајтед и закажаа градско дерби во финалето, кое е предвидено за 1 август.
Долго траеше неизвесноста на „Вембли“, па дури во 11-тата минута од судиското надополнување во првиот дел Челзи преку Жиру поведе со 1-0. Само што почна вториот дел, во првата посериозна акција фудбалерите на Лампард веќе имаа двојна предност откако погоди Маунт од околу 20 метри.
https://twitter.com/EmiratesFACup/status/1284915256280506368
Јунајтед не изврши доволен притисок во обидот да се врати во игра, па следуваше нова казна, а автоголот на Мегваер во 74-тата минута ги реши сите дилеми. Фернандеш во 86-тата минута заби почесен гол од пенал за Манчестер и ги постави конечните 3-1.
https://twitter.com/EmiratesFACup/status/1284922540498890752
https://twitter.com/EmiratesFACup/status/1284925113305927686
