Париз слави, Луис Енрике е херојот кој успеа да го донесе пехарот. Пари Сен Жермен го декласираше Интер со 5-0 во финалето на Лигата на шампионите во Минхен и првпат во историјата го освои најпрестижниот европски фудбалски трофеј. Тоа не беше само победа – тоа беше демонстрација на сила, историја испишана со златни букви.
Шпанецот Луис Енрике успеа да го направи она што неговите претходници, Тухел, Покетино и Галтие, не можеа. Освен што го покори европскиот фудбал, тој ја предводеше екипата до „тројна круна“ – титула во француското првенство, Купот на Франција и Лигата на шампионите, нешто што ретко кој очекуваше на почетокот на сезоната.
🚨🚨📊 • Luis Enrique has a 100% winning percentage in finals throughout his career!
— Marketing_medias (@Headlin35006781) May 31, 2025
• 10 finals
• 10 wins! 🤯 pic.twitter.com/DaWywPZiVY
Но највпечатливо е тоа што Енрике никогаш не изгубил финале како тренер – 10 финалиња, 10 победи! Статистика што го става меѓу најголемите стратези на современиот фудбал. Ниту еден тим не победил во финале на ЛШ со пет гола разлика, што го прави овој успех уште повпечатлив.
Луис Енрике ја создаде генерацијата што ќе остане запаметена, и ако постоеја сомнежи во визијата на ПСЖ, сега тие се замолкнати. Париз го дочека својот најголем фудбалски момент, и тоа на начин што светот нема да го заборави.
Победите на Луис Енрике во финалиња
2014/15 – Барселона vs Атлетик Билбао 3:1 (Куп на кралот)
2014/15 – Барселона vs Јувентус 3:1 (Лига на шампиони)
2015/16 – Барселона vs Ривер Плејт 3:0 (Светско клупско првенство)
2015/16 – Барселона vs Севиља 2:0 (Куп на кралот)
2015/16 – Барселона vs Севиља 5:0 (Шпански Суперкуп)
2015/16 – Барселона vs Севиља 5:4 (УЕФА Суперкуп)
2016/17 – Барселона vs Алавес 3:1 (Куп на кралот)
2023/24 – ПСЖ vs Лион 2:1 (Куп на Франција)
2024/25 – ПСЖ vs Ремс 3:1 (Куп на Франција)
2024/25 – ПСЖ vs Интер 5:0 (Лига на шампиони)
