Пари Сен Жермен го претстави својот нов тренер Луис Енрике. Шпанецот, кој има 53 години, потпиша двегодишен договор со францускиот првак, а на клупата на Светците го наследи Кристоф Галтие.
Енрике рече дека е среќен што дошол во овој клуб, што ќе живее во Париз и ќе учи нов јазик и најави дека ПСЖ ќе игра напаѓачки фудбал. Тој додаде и дека ПСЖ сигурно ќе има многу силен тим, без разлика дали во составот ќе биде Килијан Мбапе или не. За Мбапе рече дека е под договор и би сакал да го има на располагање, но „може да се случи нешто“.
И претседателот Насер Ал Келаифи беше прашан во врска со Мбапе и рече дека нема шанса да го пуштат да си оди како слободен играч.
„Ние сакаме тој да остане, а ако и тој сака, мора да потпише нов договор. Ни вети дека нема да си оди како слободен играч. Не е наш проблем ако се премислил. Нема шанса да дозволиме еден од најдобрите на светот да си оди гратис“, рече Катарецот.
