Пари Сен Жермен вечерва на свој терен игра против Лил во меч од 18 коло на француското првенство. Светците моментално се на второто место на табелата со еден бод помалку од лидерот Ленс, додека нивниот вечерашен противник Лил е на четвртото на табелата.
Актуелниот француски и европски првак пресметката против Лил ја чека по елиминацијата во Купот на Франција. Неочекувано, ПСЖ дома загуби од градскиот ривал Париз и остана без еден од потенциралните трофеи за оваа сезона.
„„Дали поразот од Париз е пресвртница? Не. Ако имам сомнежи во врска со тимот, подобро е да си заминам. Можам да ги прифатам вашите сомнежи, но не ги разбирам. Во што е проблемот? Дали мислите дека ќе победиме на секој натпревар и ќе ги освојуваме сите титули? Фудбалот не е таков. Мора да го прифатиме она што го направивме. Немам сомнежи во врска со нашиот тим и начинот на кој сакаме да играме. Знаеме колку ќе биде тешко против Лил. Ние сме истиот тим како минатата година, како и во летото“, рече Луис Енрике.
