Лука Дончиќ на вечерашниот меч на Далас маверикс против Њу Орлеанс пеликанс, го стигна Мајкл Џордан по бројот на натпревари едноподруго на кои еден кошаркар имал барем 20 поени и по пет скока и асистенции. Џордан и Дончиќ имаат по 18 меча, а 20-годишниот Словенец на следниот меч на Дивите телиња може да постави и нов рекорд.
Неговата сестраност и бројките кои ги има сезонава Лука, го прават ѕвезда каква што ретко се гледа, особено од некој што не е Американец, и има само 20 години. На дуелот со Пеликанс, Лука за само 22 минути игра нареди 24 поени, шест скока и седум асистенции. Лука веќе има 2.000 поени во НБА, а за тоа му требаа 88 меча. Само Џордан побрзо стигна до таа бројка, а Дончиќ ги надмина Леброн Џејмс и Кевин Дурант кои досега беа на второ и трето место.
