Плејмејкерот на Виртус, Лука Вилдоса, и неговата сопруга Милица наводно биле уапсени по инцидент во близина на салата „Паладока“ во Болоња, каде што, според италијанските медиуми, нападнале членови на службите за итни случаи. Сè започнало кога Вилдоса блокирал амбулантно возило со својот автомобил на пат кон интервенција.
Потоа тој физички нападнал еден од болничарите, фаќајќи го за вратот, додека неговата сопруга, наводно, се вмешала влечејќи го болничарот за коса и физички напаѓајќи го.
Конфликтот бил забележан од блиската полициска патрола, по што пристигнале и службени лица на клубот.
Вилдоса и неговата сопруга биле приведени и задржани во полициска станица, а потоа официјално уапсени под обвинение за напад врз медицински персонал.
И покрај инцидентот, Вилдоса настапи за Виртус во натпреварот од Евролигата против Монако, кој италијанскиот тим го добил со 77-73. Аргентинецот постигна осум поени и забележа три асистенции за 15 минути игра.
