Барселона останува единствена со перфектен биланс во кошаркарската Евролига откако во драматичен меч славеше на гостувањето во Истанбул против Фенербахче со 76:74. Турскиот тим одлично започна и поведе со 12:2 и имаше предност до средината на втората четвртина. Беше 27:20 за Фенербахче, кога Барселона направи серија од 15:2 и на полувреме замина со предност од 35:29.
Во второто полувреме, Барселона најчесто беше во предност, а во финишот имаше 74:69 кога Фенербахче со пет поени во низа, стигна до 74:74. Гостите имаа 6,2 секунди до крајот за да направат акција за победа. Топката дојде до Никола Миротиќ, кој делуваше дека е „заглавен“, но на чуден начин успеа да ја исфрли топката, која заврши во кошот, и тоа со звукот на сирената за победа на Барселона.
Во останатите мечеви коишто се играа вечерва: Монако – Црвена ѕвезда 70:62, Олимпијакос – Алба Берлин 87:83, Макаби Тел Авив – Жалгирис 76:62, Баерн – Милано 83:77.
