Првата ѕвезда на Монако, Мајк Џејмс, планира да го продолжи договорот со Монако на уште три години, пренесуваат француските медиуми.
МВП-играчот на Евролигата договори сѐ со клубот и е подготвен да потпише тригодишен договор вреден 9 милиони евра.
Главна тема при преговорите била кој ќе го плати дополнителниот американски данок, наспроти даночните поволности во Кнежевството. Сепак, брзо е најден заеднички јазик и ќе следува потписот на Мајк Џејмс до сезоната 2026/27.
Џејмс лани со Монако стигна до фајналфор, а оваа сезона изненадувачки тимот беше елиминиран од Олимпијакос. Кошаркарот стана најдобар стрелец во историјата на Евролигата, барем од лансирањето на новиот формат.
