Фудбалерите на Мајорка ја победија Севиља со 4-1 во натпреварот од 22-то коло на Ла Лига.
Мајорка сега има ист број бодови како нејзиниот вечерашен ривал (24) и се наоѓа на 15-тото место.
Муричи го постигна првиот гол на натпреварот, од пенал во 26-тата минута, за 1-0.
Пред крајот на првото полувреме Севиља изедначи преку Мопеј, на асистенција од Фернандез.
По враќањето на теренот, Мајорка повторно поведе со гол на Коста во 53-тата минута, а потоа Муричи асистираше до Дардер за 3-1 за домаќините.
Мајорка не запре, па во судиското надополнување Торе постигна гол за конечни 4-1.
