Австрија и Унгарија ќе играат од 20:30 часот, меч по кој ќе се комплетира претпоследното коло од групната фаза. Во овој момент Македонија е втора во групата со 4 бодови, исто колку што има и Холандија, но нашата репрезентација има подобра гол-разлика (127:127) наспроти гол разликата на Лалињата (135:140).
Унгарија и Австрија имаат по три бодови, што значи победникот од овој меч со пет бодови ќе дојде на второто место. Доколку ремизираат Унгарија и Австрија ќе биде вистинска мешаница на табелата во борба за второто место. Тогаш четири репрезентации би имале по 4 бодови, а Македонија ќе остане втора со најгобра гол разлика.
Во последното коло Македонија ќе има најтешка задача, бидејќи ќе игра против Франција, но има надеж, посебно ако се знае дека Галските петли се сигурно први и овој меч нема да им значи ништо. Тоа значи дека Франција може да игра и со „втор тим“, па тоа да биде шансата за Македонија да го изненади големиот фаворит.
Во последното коло Унгарија ќе има најлесна задача барем на хартија, бидејќи ќе игра против Катар, а Холандија ќе се сретне со Австрија.
