Поранешниот шампион и куп освојувач, Македонија ЃП и официјално е есенски шампион во Втората фудбалска лига, откако првата позиција на табелата ја завери со победа на гостувањето кај Беласица од 0-4.
На втората позиција останува Брегалница, иако денес загуби од Башкими со 2-1, но штипјани сега имаат само бод предност пред поранешниот прволигаш од Куманово, кој полусезоната ја завршува на третата позиција.
За истакнување е и победата на Вардарски од Богданци, прва оваа сезона за нив и прва после пауза од 27 години. Богданчани на домашен терен го совладаа Осогово со 2-1 и остануваат во игра за опстанок во лигата.
Резултати:
Беласица – Македонија ЃП 0-4
Башкими – Брегалница 2-1
Арсими – Вардар Н. 5-1
Охрид – Борец 4-1
Вардарски – Осогово 2-1
Новаци – Кожуф 0-0
Победа – Плачковица 0-0
Саса – Скопје
Табела: 1. Македонија ЃП 38, 2. Брегалница 33, 3. Башкими 32, 4. Арсими 29, 5. Плачковица 25 …
