Дербито од 20 коло во Втора фудбалска лига на Македонија, кое се играше во Каменица меѓу Саса и Македонија Ѓорче Петров заврши не само без победник, туку и без голови. По овој освоен бод Македонија ЃП останува лидер на табелата, но сега е со 45 бодови, исто колку што има и второпласираниот Башкими.
Башкими немаше проблеми на свој терен и со 3:0 славеше над Охрид. Домаќините уште во првото полувреме водеа со 2:0, а потоа без проблем стигнаа до четвртата победа по ред во шампионатот.
Три бода освои и Брегалница Штип на гости кај Осогово кој се бори да не испадне од лига. Штипјани славеа со 2:1. Со полн плен од гостување се врати и Арсими и тоа кај Новаци. Арсими поведе во првото полувреме, а во финишот на вториот дел, гостите го искористија киксот на домашниот голман и постигнаа погодок за 2:0.
Резултати: Башкими – Охрид 3:0, Осогово – Брегалница 1:2, Новаци – Арсими 0:2, Победа – Беласица 0:1, Вардар Неготино – Кожуф 0:1, Вардарски – Борец 2:0, Скопје – Детонит 2:2, Каменица Саса – Македонија ЃП 0:0.
Табела: Македонија ЃП 45 бодови, Башкими 45, Брегалница 43, Арсими 39, Каменица Саса 32, Охрид 31, Детонит Плачковица 30, Скопје 30, Кожуф 30, Беласица 25, Победа 21, Новаци 20, Вардар Неготино 20, Осогово 13, Борец 10, Вардарски 8 бодови.
