Македонскиот фајтер Горјан Гого Славески ноќеска во два часот наутро ќе го има најважниот меч во кариерата. Популарниот Гого „Храбро срце“ ќе влезе во рингот против искусниот Џек Линдзи и ќе се борат за титулата во БКФЦ во велтер категорија.
Горјан Славески е најдобро рангиран фајтер во БКФЦ верзијата и досега има пет победи во исто толку борби, сите остварени во изминативе година и пол. Македонецот против себе ќе има ривал кој исто така е непоразен. Американецот Линдзи е со четири победи во исто толку борби.
Популарниот Гого ветува дека ќе стигне до првата светска титула и дека Македонија ќе добие светски шампион.
„Ниеден противник не потценувам. секој меч го сфаќам сериозно. Ова дефинитивно е историски момент за мене и за мојата земја. Ќе ја донесам титулата во Македонија“, порача Славески непосредно пред борбата.
