Младиот португалски тренер Рубен Аморим ќе биде новиот тренер на Манчестер јунајтед. Според повеќе медиуми, веќе е договорено доаѓањето на 39-годишниот стратег на „Олд Трафорд“.
Португалскиот весник „А Бола“ тврди дека актуелниот тренер на Спортинг Лисабон ќе биде наследникот на Ерик тен Хаг. Манчестер јунајтед ќе му плати 10 милиони евра отштета на португалскиот тим и Аморим ќе стане еден од најплатените тренери во светот.
Најавите се дека Црвените ѓаволи ќе му дадат тригодишен договор на Аморим, кој ќе има годишна плата меѓу седум и осум милиони евра.
🚨 Ruben Amorim is set to be officially announced as the new manager of Manchester United soon.
Three year deal worth €7m/€8m-a-year.
(Source: @abolapt) pic.twitter.com/9X3d2T8QIN
— Transfer News Live (@DeadlineDayLive) October 29, 2024
Аморим како играч беше дел од екипите на Белененсеш и Бенфика, а тренерската кариера ја започна во Каса Пија, за потоа да направи трансфер во Брага. Во Спортинг дојде во 2020 година, период од кога и започна подемот на тимот од Лисабон. Спортинг освои две титули во домашното првенство, а и сезонава игра одлично и има перфектни девет победи во исто толку средби.
