Манчестер сити тргнува во „лов“ на голманот на Порто, Диого Кошта. Раководството на „граѓаните“ ќе понуди 60 милиони евра за неговите услуги и се надева дека тоа ќе биде доволно за да ги убеди во Порто да го ослободат голманот кој во моментов вреди 40 милиони евра.
Дваесет и петгодишниот голман потекнува од академијата на Порто, а од 2019 година е дел од сениорската екипа на Португалеците. Оваа сезона забележа 43 настапи, на коишто прими 45 гола, а „чиста мрежа“ имаше на 19 натпревари.
