Вардар вечерва од 21 часот гостува во Сан марино кај Ла Фиорита. Тоа ќе биде мечот кој последен ќе почне од сите денешни 23 пресметки во првото коло од Конференциската лига на УЕФА. Нема голем интерес за овој меч, што е и јасно ако се знае дека домашниот тим на Ла Фиорита речиси и да нема шанси да оди во следното коло, бидејќи Вардар во Сан марино допатува со залиха од три гола предност.
Македонскиот тим е фаворит и вечерва. Домаќините најавија дека дуелот кој ќе се игра на „Сан Марино стадион“ ќе може во живо на ТВ да се проследи на два начина.
Директен пренос од средбата ќе дава Сан Марино РТВ, и тоа за локалното население и за подрачјето на Италија. Постои опција за следење на мечот и преку Титани ТВ. Тоа е официјална платформа на Фудбалската федерација на Сан Марино, но за да се гледа преку оваа платформа, потребно е да се плати.
