Рускиот тенисер Данил Медведев откри дека најголем мотив да игра тенис му се парите, а ако успее да заработи 1 милијарда долари, би прекинал со играње.
„Да кажеме дека многу ги сакам парите. Таа сума е огромна и недостижна, но би рекол 1 милијарда би била доволна за да ја завршам кариерата. Кога би заработил толку, добро би размислил дали ќе сакам да продолжам да играм. Некогаш тенисот ми ги кине нервите, но тешко ми е да живеам без натпреварување, затоа сакам да играм и да заработувам пари“, рече контроверзниот Медо, кој е петти на АТП-листата.
Од тениските турнири тој досега има заработено над 43 милиони, но на оваа сума дури да се додадат и парите од спонзори, пак Медведев е далеку од милијарда.
