Најдобриот руски тенисер и светски број 7 на АТП листата, Данил Медведев, испадна уште во второто коло на Мастерсот во Мајами, загуби со 2-6, 3-6 од Шпанецот Хауме Мунар (56-ти на АТП), и изрази незадоволство од квалитетот на топките.
Русинот го повикал супервизорот и му се пожалил на топките.
„Кој го дозволува ова? Невозможно е да се игра тенис со нив. Кој вели: „Да, можеме да играме со овие топки“? „Никој, нели? – рече Медведев.
„Тие се одобрени за АТП тур“, му одговори надзорникот.
„Не се доволно добри“, инсистираше поранешниот светски рекет број еден.
Медведев кој беше победник на Мастерсот во Мајами во 2023 година, денеска имаше 32 неизнудени грешки. Минатата недела стигна до полуфинале во Индијан Велс, но генерално во 2025 е во лоша форма, па и топчињата му се виновни за слабите резултати.
