Вистински спектакл приредија екипите на Борнмут и Лутон во заостанат натпревар од 17-тото премиерлигашко коло. Клубот од предградието на Лондон имаше неверојатни 0-3 на полувремето на стадионот „Виталити“ во Борнмут и веќе ги имаа вкалкулирано бодовите, но домашните не мислеа така.
Следуваа четири гола во мрежата на Лутон во второто полувреме за комплетен пресврт и победа на Борнмут со 4-3. Домашните само за 14 минути ја анулираа предноста на Лутон и со три гола од 50-тата до 64-тата минута израмнија на 3-3, а голот за победа дојде во 83-тата минута преку Семенјо.
