Селекцијата на Мексико покажува зошто е меѓу главните фаворити на Голд купот. По првите две кола, тие имаат максимални шест бода и се обезбедени во нокаут-фазата. Утрово, Мексико со 3:1 ја победи Канада и веќе стигна до 10 постигнати голови само по две средби. Во првото коло ја растури Куба со 7:0.
Отпорот на Канада беше скршен во 40-тата минута, кога погоди Алвардо за 1:0.
https://twitter.com/GoldCup/status/1141546151595798528
Во 54-тата минута, капитенот Квардадо со прекрасен гол зголеми на 2:0, а мала надеж за Канада даде Каваљини, кој погди во 75-тата минута.
https://twitter.com/GoldCup/status/1141554337740492800
https://twitter.com/GoldCup/status/1141559471069466624
Сепак, само три минути по голот на Канада, Гвадрадо со својот втор погодок на овој меч стигна до 3:1 и јубилејната 50-та победа во историјата на Голд купот.
Во оваа група, до првите бодови стигна и Мартиник, откако без многу проблеми со 3:0 ја победи Куба.
Вечерва на ред се дуелите од второто коло во групата Б меѓу Никарагва – Хаити и Костарика – Бермудски Острови.
