Лионел Меси синоќа против Еспањол, за првпат во кариерата постигна два гола од слободен удар на еден ист натпревар, и на Барселона ѝ помогна да победи со 4:0 на гостувањето кај градскиот ривал. Последен фудбалер на Барса кој дал два гола од слободни на еден меч беше Роналдињо во 2007 против Бетис.
Има еден податок кој докажува дека Меси е „крал на слободните удари“. Аргентинецот во последните четири години (од 1 јануари 2014 наваму), во шпанската лига има дадено 19 гола од слободен удар, и тоа е повеќе од било кој клуб во Топ 5 лигите во Европа. Второто место го држи Јувентус со 18 гола во истиот период.
И во оваа календарска година, Меси е убедливо најдобар изведувач на слободни удари, а второто место го држи македонскиот репрезентативец Енис Барди со 4, што е двојно помалку од учинокот на суперѕвездата на Барса. Меси синоќа стана и прв играч во историјата на Примера кој 13 сезони по ред дава двоцифрен број на голови.
ГОЛОВИ ОД СЛОБОДНИ УДАРИ ОД 1 ЈАНУАРИ 2014 ГОДИНА НАВАМУ:
Барселона (19 се на Меси) 24
Јувентус 18 (осум има Дибала)
Лион, Реал Мадрид и Рома по 14
Баерн 13
ГОЛОВИ ОД СЛОБОДНИ УДАРИ ВО 2018 ГОДИНА:
Барселона (Лионел Меси) 8
Лион (три се на Мемфис Депај) 5
Леванте (Енис Барди) 4
Погледнете ги головите од синоќа: