Жерар Пике се изнафали дека погодокот кој го постигна на синоќешниот меч против ПСВ Ајндховен бил добро одработена акција со Лионел Меси. Аргентинецот изведе слободен удар, а Пике втрча во шеснаесетникот и со нога го смени правецот на топката, која заврши во мрежата на домаќините.
„Тоа е акција која неколку пати ја имаме вежбано на тренинзите“, рече Пике веднаш по мечот.
Сепак, тоа не го кажа Меси. Капитенот на Барселона вели дека погодокот е многу случаен.
„Тоа да е вежбана акција? Нема врска. Едноставно лошо го изведов слободниот удар, а Пике случајно се најде таму. Имавме среќа во таа ситуација“, објасни Меси.