Репрезентацијата на Аргентина е во полн ек од Јужноамериканските квалификации за пласман на Светското првенство во Катар во 2022 година. Потри одиграни меча, Аргентина има две победи и едно реми Гаучосите одиграа 1:1 на свој терен против Парагвај, а освен двата погодоци, на дуелот имаше и еден посебен момент.
Пред крајот на првото полувреме, Аргентина беше во напад, а топката беше упатена високо кон Меси. Дека и со високи топки нема проблеми, Лео покажа со начинот на кој успеа да ја скроти топката. Во стилот на карате ударите, Меси успеа да ја исконтролира топката, а по направените пресметки, утврдено е дека капитенот на аргентинската репрезентација успеал да ја крене ногата на висина од 183 сантиметри.
Ако се знае дека е висок само 170 сантиметри, тогаш навистина е феноменален одразот и тоа до каде успеа Меси да ја крене ногата.
Следниот меч Аргентина ќе го игра на гости кај Перу, рано наутро на 18 ноември.
https://twitter.com/i/status/1327575989543645184
